الصفحة الرئيسية › أخبار وطنية

أخبار وطنية ألفة يوسف تتحدّث عن المرأة التونسية "حفيدة الكاهنة"

نشرت الجامعية ألفة يوسف تحديثة على صفحتها الخاصة بموقع الفايسبوك تحدّثت فيها من خلالها عن المرأة التونسية كما يلي:

المرأة التونسية تلقاها بكثافة في المهرجانات والسهريات والحفلات...تلقاها في المدرسة توصل في الصغار وتسأل عليهم المعلمين والأساتذة وتقري فيهم في الدار...
المرأة التونسية تلقاها في الريف وفِي القرى والمدن...تقضي وتجري وتصرف...بين دار وشارع..
المرأة التونسية عموما ne se laisse pas marcher sur les pieds
المرأة التونسية مقلقة الذكورة، والذكورة موش الرجال طبعا..
المرأة التونسية مقلقة الخوانجية ومشتقاتهم، السلفيين، النهضويين، المعقدين، الخليجيين المربطين الخ الخ
ماهوش كليشيهات، ولا كلام صالونات
اما بعد ما درت في ما يسمى البلدان العربية، أؤكد فعلا استثناء المرأة التونسية..

ربما لأنها حفيدة الكاهنة، ربما بحكم مجلة الأحوال الشخصية، ربما بحكم الحركة الإصلاحية التونسية...

ما نعرفش اما الاكيد إنّو ها البلاد واقفين لها نساها ورجالها اللي ما عندهمش مشكل مع ارواحهم...
وما زال الطُّرح طويل..."